TIKVAH-SPORT

“ የተፈጠረውን መቀበል ይከብዳል “ ኡናይ ኤምሬ የአስቶን ቪላው አሰልጣኝ ኡናይ ኤምሬ ባስተናገዱት የመጨረሻ ደቂቃ ግብ መበሳጨታቸውን ገልጸዋል። “ በጣም ተበሳጭቻለሁ “ ያሉት አሰልጣኙ “ ስድስት ደቂቃ ስለተጨመረ ያለቀ መስሎኝ ነው የወጣሁት “ብለዋል። አክለውም “ ሁለት የመጨረሻ ደቂቃ ግቦች ማስተናገዳችንን መቀበል በጣም አስቸጋሪ ነው “ሲሉ ተደምጠዋል። “ በተጨዋቾቹ ሳይሆን በሁኔታው ነው የተናደድኩት መጨረሻ ደቂቃ ላይ ስንመራ ነበር ሁለት ነጥቦችን አጥተናል “ ኡናይ ኤምሬ @tikvahethsport     @kidusyoftahe

“ ራሳችን ነን ነገሮችን ለራሳችን አስቸጋሪ ያደረግነው “ ማይክል ካሪክ የማንችስተር ዩናይትዱ አሰልጣኝ ማይክል ካሪክ የቡድኑን የኋላ መስመሩን እንደሚፈትሹ ገለፁ። “ የቡድኑን ተከላካይ ክፍል እንቅስቃሴ መገምገም አለብን “ ሲሉ ማይክል ካሪክ ተናግረዋል። “ ራሳችን ነን ነገሮችን ራሳችን ላይ አስቸጋሪ ያደረግነው “ ያሉት አሰልጣኙ “ ግብ የሆኑ ስህተቶችን ራሳችን ነን የሰራነው “ ብለዋል። አክለውም “ ጨዋታውን ማሸነፍ አለመቻላችን ያበሳጫል ብዙውን የጨዋታ ጊዜ የተሻልን ነበርን “ ሲሉ ተናግረዋል። @tikvahethsport     @kidusyoftahe

“ ለክለቡ እና አሰልጣኛችን መፋለም አለብን “ ዶርጉ ለቀያዮቹ ሰይጣኖች የአቻነት ግብ ያስቆጠረው ፓትሪክ ዶርጉ ወሳኝ ግብ ቢያስቆጥርም ደስተኛ እንዳልሆነ ገልጿል። “ በመጨረሻ ደቂቃ ግቡ ደስተኛ አይደለሁም ምክንያቱም በአስቸጋሪ ሁኔታ ላይ ነን “ሲል ዶርጉ ተናግሯል። አክሎም “ ለአሰልጣኙ እና ለክለቡ መፋለም አለብን “ ሲል አስተያየቱን ሰጥቷል። “ ወራጅ ቀጠና መሆናችን ያማል “ ያለው ዶርጉ “ ነገርግን ብዙ ጨዋታዎች ይቀራሉ በድጋሜ ማሸነፍ መጀመር አለብን “ ብሏል። “ ከመሸነፍ ይልቅ አቻ መውጣት የተሻለ ነው “ሲል ጨምሮ ተናግሯል። @tikvahethsport     @kidusyoftahe

ኢንተር ሚላን ወሳኝ ድል አሳክቷል ! በጣልያን ሴርያ ኢንተር ሚላን ከኮሞ ጋር  ያደረገውን  ጨዋታ 2ለ0 በሆነ ውጤት ማሸነፍ ችሏል። የኢንተር ሚላንን የድል ግቦች ማርከስ ቱራም እና እስፖሲቶ አስቆጥረዋል። ኮሞ ከስድስት ተከታታይ ጨዋታዎች ድል በኋላ ሽንፈት ገጥሞታል። ኢንተር ሚላን ማሸነፉን ተከትሎ ከሊጉ መሪ ያለውን የነጥብ ልዩነት ወደ አንድ አጥብቧል። የሊግ ደረጃቸው ምን ይመስላል ? 2ኛ. ኢንተር ሚላን :- 28 ነጥብ 5ኛ. ኮሞ :- 23 ነጥብ. @tikvahethsport     @kidusyoftahe

ማንችስተር ዩናይትድ አቻ ተለያይቷል ! በፕሪሚየር ሊጉ መርሐ ግብር ማንችስተር ዩናይትድ ከአስቶን ቪላ ጋር 4ለ4 በሆነ አቻ ውጤት ተለያይተዋል። የአስቶን ቪላን ግቦች አሊሰን ፣ ኒኮላስ ጃክሰን ፣ ማክጊን እና ጎሬዝካ አስቆጥረዋል። ብሩኖ ፈርናንዴዝ ፣ ዩሪ ቴሌማንስ ፣ ዚርኪዜ እና ዶርጉ ማንችስተር ዩናይትድን አቻ አድርገዋል። ማንችስተር ዩናይትድ ያለፉትን 8 የፕሪሚየር ሊግ ጨዋታዎች ማሸነፍ አልቻለም። ማንችስተር ዩናይትድ አስር የሊግ ጨዋታ አድርጎ ወራጅ ቀጠና ሲገባ ከ 1986 በኋላ ለመጀመሪያ ጊዜ ሆኗል። የሊግ ደረጃቸው ? 10ኛ. አስቶን ቪላ:- 13 ነጥብ 18ኛ. ማንችስተር ዩናይትድ :- 8 ነጥብ ማንችስተር ዩናይትድ ከብሔራዊ ቡድኖች ጨዋታ እረፍት መልስ ከሊቨርፑል ጋር አንፊልድ ላይ ይጫወታል። @tikvahethsport     @kidusyoftahe