4 ноября 2026 г. 10:59
Тақиқланган ташкилотларда иштирок этганлик учун 5 йилдан 10 йилгача қамоқ жазоси белгиланди!
Қонун (ЎРҚ–1185-сон) билан айрим қонун ҳужжатларига ўзгартириш ва қўшимчалар киритилди.
Жиноят кодексига кўра, экстремистик, сепаратистик, фундаменталистик ёки бошқа тақиқланган ташкилотларда иштирок этиш – 5 йилдан 10 йилгача озодликдан маҳрум қилиш билан жазоланади.
Маъмурий жавобгарлик тўғрисидаги кодексга кўра қуйидагилар учун жавобгарлик белгиланди:
➖ экстремизм, сепаратизм ёки ақидапарастлик ғоялари билан йўғрилган, қирғин солишга ёки фуқароларни зўрлик билан кўчиришга даъват этадиган материалларни тайёрлаш ёки тарқатиш мақсадида сақлаш;
➖ экстремистик ва террорчилик ташкилотларининг атрибутларини ёки рамзий белгиларини тарқатиш ёхуд намойиш этиш мақсадида тайёрлаш ва сақлаш.
Ҳуқуқбузарлик ашёси мусодара қилиниб, фуқароларга БҲМнинг 50 бараваридан 100 бараваригача, мансабдор шахсларга 100 бараваридан 150 бараваригача миқдорда жарима солинади ёки 15 суткагача маъмурий қамоққа олинади.
Қонун ҳужжатларидаги «диний экстремизм» сўзлари «экстремизм» билан алмаштирилди.
Қонун расмий эълон қилинган кундан эътиборан кучга киради.
💬 Мурожаат учун: @GSP_Lawfirm
@gsplawfirm
4 ноября 2026 г. 9:28
Ёнғин хавфсизлиги талабларини бузганлик учун жавобгарлик чоралари белгиланди!
Қонун (1186-сон, 02.11.2026 й.) билан айрим қонун ҳужжатларига қўшимча ва ўзгартиришлар киритилди.
Маъмурий жавобгарлик тўғрисидаги кодексга киритилган қўшимчаларга кўра, объектларни қуриш учун ер участкаларини ажратиш, лойиҳалаштириш, қуриш, реконструкция қилиш ва қурилиши тугалланган объектни фойдаланишга қабул қилиш тартиб-таомилларини амалга оширишда:
🔹 ваколатли орган ҳамда хулоса берувчиларнинг зиммасига юклатилган вазифа ва функцияларни бажаришига ўз мансаб ваколатларидан фойдаланиб, қонунга хилоф равишда аралашиш:
➡️ БҲМнинг 100 бараваридан 150 бараваригача миқдорда жарима солишга ёки 15 сутка муддатга маъмурий қамоққа олишга сабаб бўлади.
✅ Суюлтирилган углеводород газини истеъмолчиларга автомобилларга газ қуйиш шохобчалари томонидан маиший газ баллонларида бериш:
➖ БҲМнинг 3 бараваридан 5 бараваригача миқдорда жарима солишга сабаб бўлади.
📝 Бозорлар, савдо комплекслари ва савдо-кўнгилочар марказлари мулкдорларининг учинчи шахслар ҳаёти ва (ёки) соғлиғига ёнғин юзага келиши натижасида зарар етказганлик учун ўзининг фуқаролик жавобгарлигини, шунингдек ушбу объектларни ёнғиндан мажбурий суғурта қилиш бўйича мажбуриятини бажармаслиги:
➡️ мансабдор шахсларга БҲМнинг 50 бараваридан 75 бараваригача миқдорда жарима солишга сабаб бўлади.
📝 Ёнғин аудитини ўтказишга оид қонунчиликда белгиланган талаблар ва шартларни бузиш:
👤 фуқароларга БҲМнинг 15 баравари, мансабдор шахсларга эса 30 баравари миқдорида жарима солишга сабаб бўлади.
💬 Мурожаат учун: @GSP_Lawfirm
@gsplawfirm
3 ноября 2026 г. 10:23
📎 Taqiqlangan-manbalar.pdf (4.4 МБ)
Олий суд 2026 йил 3 ноябрь ҳолатига тақиқланган интернет манбалари ва материаллар рўйхатини эълон қилди
Рўйхатга суд томонидан диний экстремизм, терроризм ва ақидапарастлик ғоялари билан йўғрилган деб топилган манба ва материаллар киритилган. Уларни Ўзбекистон ҳудудига олиб кириш, тайёрлаш, сақлаш, тарқатиш ва намойиш этиш тақиқланади.
Олий суд фуқароларни, айниқса, ота-оналар ва ёшларни бундай манбалардан йироқ бўлишга чақирди.
💬 Мурожаат учун: @GSP_Lawfirm
@gsplawfirm
3 ноября 2026 г. 9:34
🎬Видео
ЙЎЛ БОР, ТРОТУАР ЙЎҚ! ПИЁДАЛАР ҚАЕРДАН ЮРСИН?
Сенатда йўл қурилишидаги жиддий камчиликлар танқид остига олинди. Гап шундаки, янги йўллар қуриляпти, асфальт ётқизиляпти, аммо пиёдалар учун тротуар қуриш унутиб қўйиляпти.
Йўлнинг икки томони тупроқ! Болали оналар, ёш болалар, ногиронлиги бўлган шахслар ва кексалар қаердан юриши керак? Болалар аравачасини кўтариб, тупроқда юришга мажбур бўлишяпти.
Энг қизиғи, йўл қурилишидаги коррупция ҳолатлари ҳам муҳокама қилинди. Сенатор: «Асфальт қуйган одам қора икрани ҳар куни ейди», дея кескин фикр билдирди.
Аслида, йўл қуриш фақат асфальт ётқизишдан иборат эмас! Пиёдалар хавфсизлиги, тротуарлар ва қулай ҳаракатланиш шароити ҳам лойиҳанинг ажралмас қисми бўлиши керак.
Сизнинг шаҳар ёки қишлоғингизда ҳам шундай ҳолат кузатиляптими? Янги қурилган йўл бор, аммо тротуар йўқми? Бефарқ бўлманг! Муаммони суратга олинг, тегишли идораларга мурожаат қилинг ва масъуллардан жавоб талаб қилинг.
💬 Мурожаат учун: @GSP_Lawfirm
@gsplawfirm
3 ноября 2026 г. 6:23
Масофадан молиявий хизматлар кўрсатишда киберхавфсизлик ва фродга қарши талабларга ўзгартиш киритиш таклиф қилинмоқда!
Таклифга кўра, Марказий банк масофадан молиявий хизматлар бўйича низомга (рўйхат рақами 3759) ўзгартиш киритишни таклиф этмоқда: лойиҳа мобил иловада идентификация ва фроддан ҳимоя, микроқарз бериш тартиби ва банклар учун талабларни қамраб олади.
Муҳокама 9 ноябргача давом этади, қарор расмий эълон қилинганидан 3 ой ўтгач кучга киради деб белгиланган.
💬 Мурожаат учун: @GSP_Lawfirm
@gsplawfirm
